തിരുവനന്തപുരം: യാത്രാനിരക്ക് വര്‍ധിപ്പിച്ച് ഉത്തരവ് ഇറക്കുന്നതിലെ കാലതാമസം പരിഹരിക്കണമെന്നാവശ്യപ്പെട്ട് ഓട്ടോ-ടാക്‌സി സംയുക്തസമര സമിതിയുടെ നേതൃത്വത്തില്‍ സെക്രട്ടേറിയറ്റിലേക്ക് മാര്‍ച്ചും ധര്‍ണയും നടത്തി. മാര്‍ച്ച് സി.ഐ.ടി.യു സംസ്ഥാന സെക്രട്ടറി വി. ശിവന്‍കുട്ടി ഉദ്ഘാടനം ചെയ്തു. പട്ടം ശശിധരന്‍ അധ്യക്ഷനായി. കെ.എസ് സുനില്‍കുമാര്‍, വി.ആര്‍ പ്രതാപന്‍, നാലാഞ്ചിറ ഹരി, വെട്ടുറോഡ് സലാം, എസ്. ഗോപകുമാര്‍, കവടിയാര്‍ ധര്‍മന്‍, ഡി.പി ദാസന്‍, പരുത്തിക്കുഴി അഷറഫ്, കെ. ജയമോഹനന്‍, മൈക്കിള്‍ ബാസ്റ്റിയന്‍, വട്ടപ്പാറ സതീശന്‍ നേതൃത്വം നല്‍കി.