കല്‍പ്പറ്റ: ബംഗാളില്‍ നടക്കുന്ന ജൂനിയര്‍ ഗേള്‍സ് നാഷനല്‍ ഫുട്‌ബോള്‍ ചാമ്പ്യന്‍ഷിപ്പില്‍ പങ്കെടുക്കുന്ന കേരള ടീമിന്റെ കോച്ചായി പി ലൂയിസിനെ തെരഞ്ഞെടുത്തു. ഫിഫ മുന്‍ റഫറി ഷാജി സി. കുര്യനാണ് ടീം മാനേജര്‍.
വയനാട്ടിലെ പള്ളിക്കുന്ന് സ്വദേശിയാണ് ലൂയിസ്. ഏഷ്യന്‍ ഫുട്‌ബോള്‍ കോണ്‍ഫെഡറേഷന്‍ സി ലൈസന്‍സ് കോച്ചിങ് സര്‍ട്ടിഫിക്കറ്റ് ഉടമയാണ്. നിലവില്‍ കേരളാ ഫുട്‌ബോള്‍ അസോസിയേഷനു കീഴിലുള്ള നടവയല്‍ കേരളാ ബ്ലാസ്റ്റേഴ്‌സ് കോച്ചിങ് സെന്ററില്‍ മുഖ്യപരിശീലകനാണ്. ആദ്യമായാണ് ജില്ലയില്‍ നിന്നു ഒരാളെ സംസ്ഥാന വനിതാ ടീമിന്റെ പരിശീലകനായി തെരഞ്ഞെടുക്കുന്നത്. മഠത്തില്‍ ഫുട്‌ബോള്‍ അക്കാദമി, പുല്‍പ്പള്ളി സ്‌പോര്‍ട്‌സ് അക്കാദമി എന്നിവിടങ്ങളില്‍ പരിശീലകനായിരുന്നു. ഭാര്യ ഷൈലയും യദു സൈമ, ജസ്‌ന മരിയ എന്നീ കുട്ടികളും അടങ്ങുന്നതാണ് കുടുംബം.