തിരുവനന്തപുരം: നുണപ്രചരണങ്ങളിലൂടെ വര്‍ഗ്ഗീയ കലാപങ്ങള്‍ സൃഷ്ടിക്കുകയും അവക്ക് നേതൃത്വം നല്‍കുകയും ചെയ്തിട്ടുള്ളത് സംഘ പരിവാര്‍ ശക്തികളാണെന്ന് ജനതാദള്‍ (എസ്) ദേശീയ ജനറല്‍ സെക്രട്ടറി ഡോ.എ.നീലലോഹിതദാസ് അഭിപ്രായപ്പെട്ടു.
ബാലരാമപുരം കല്‍പടി ഹാളില്‍ ജനതാദള്‍(എസ്) കോവളം നിയോജക മണ്ഡലം നേതൃപഠന ക്യാപ് ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
നിയോജക മണ്ഡലം പ്രസിഡന്റ് തെന്നൂര്‍ക്കോണം ബാബു അധ്യക്ഷനായിരുന്നു.
ഡല്‍ഹിയിലെ എ.കെ.ജി.ഭവന്‍ കയ്യേറി സി.പി.എം ദേശീയ ജനറല്‍ സെക്രട്ടറി സീതാറാം യച്ചൂരിയെ ബി.ജെ.പിക്കാര്‍ കയ്യേറ്റം ചെയ്ത ദിവസം കേരളം സന്ദര്‍ശിച്ച ബി.ജെ.പിയുടെ മുതിര്‍ന്ന നേതാവ് എല്‍.കെ അഡ്വാനിയ്‌ക്കെതിരേ ഒരു ചെറുവിരല്‍ പോലും നീട്ടാതെ അദേഹത്തിന് പൂര്‍ണസംരക്ഷണം നല്‍കിയത് ഇടതുപക്ഷ ജനാധിപത്യ മുന്നണിയുടെ പ്രത്യേകത കൊണ്ടാണെന്ന് അദേഹം കൂട്ടിച്ചേര്‍ത്തു.
സംസ്ഥാന ജനറല്‍ സെക്രട്ടറിമാരായ കൊല്ലങ്കോട് രവീന്ദ്രന്‍ നായര്‍,അഡ്വ.എം.സൈഫുദ്ദീന്‍,ദേശീയ നിര്‍വാഹക സമിതി അംഗം ജമീല പ്രകാശം എക്‌സ്.എം.എല്‍.എ,കിസാന്‍ ജനത ജില്ല പ്രസിഡന്റ് ബാലരാമപുരം രാജു, വി.സുധാകരന്‍,കോളിയൂര്‍ സുരേഷ്,ടി.ഡി.ശശികുമാര്‍,വിഴിഞ്ഞം അരുള്‍ദാസ്,ബാലരാമപുരം സുബ്ബയ്യന്‍,കോട്ടുകാല്‍കോണം മണി,രജു രവീന്ദ്രന്‍,കട്ടച്ചല്‍കുഴി ഷാജി,പാറക്കുഴി രവീന്ദ്രന്‍,ആലുവിള ഷാജി,വി.ഗിരിജ പ്രസംഗിച്ചു.