തൃശൂര്‍: കാല്‍ഡിയന്‍ സിറിയന്‍ ഹയര്‍ സെക്കന്‍ഡറി സ്‌കൂളിന്റെ കൊസൈന്‍ അവാര്‍ഡ് ഫുട്‌ബോള്‍ താരം സി.കെ വിനീതിന് സമ്മാനിച്ചു. കൊസൈന്‍ യൂത്ത് ഐക്കണ്‍ അവാര്‍ഡ് കലിഫോര്‍ണിയയിലെ സ്റ്റാന്‍സ്‌ഫോര്‍ഡ് സര്‍വകലാശാലയില്‍ പ്രവേശനം ലഭിച്ച കാല്‍ഡിയന്‍ സ്‌കൂള്‍ വിദ്യാര്‍ഥി അനക്‌സ് ജോസിന് സമ്മാനിച്ചു. ഇരുവരും അവാര്‍ഡ് തുക സ്‌കൂളിന്റെ വികസനത്തിന് തിരികെ സമര്‍പ്പിച്ചു. ആര്‍ച്ച് ബിഷപ് ഡോ. മാര്‍ അപ്രേം അധ്യക്ഷത വഹിച്ചു. മാര്‍ യോഹന്നാന്‍ ജോസഫ്, സ്‌കൂള്‍ പ്രിന്‍സിപ്പല്‍ ഡോ. അബി പോള്‍, ഷാജി ബി. വടക്കന്‍, എം.പി സുരേന്ദ്രന്‍, ഫാ. ഡേവിഡ് കെ ജോണ്‍, എം.എ തോമസ്, ഫുട്‌ബോളര്‍ സി.വി പാപ്പച്ചന്‍, സന്തോഷ് ജോണ്‍ തൂവല്‍ സംസാരിച്ചു.