വാഷിങ്ടണ്‍: അമേരിക്കന്‍ പടക്കപ്പല്‍ ജപ്പാന്‍ ചരക്കുകപ്പലുമായി കൂട്ടിയിടിച്ച് ഏഴുപേരെ കണാതായി. ജപ്പാനിലെ യോകോസുക തീരത്ത്‌നിന്ന് 56 നോട്ടിക്കല്‍ മൈല്‍ അകലെ പസഫിക്ക് സമുദ്രത്തിലാണ് കപ്പലുകള്‍ തമ്മില്‍ കൂട്ടിയിടിച്ചത്.

യു.എസ് നേവിയുടെ യു.എസ്.എസ് ഫിറ്റ്‌സ്‌ജെരാള്‍ഡ് എന്ന പടക്കപ്പലാണ് അപകടത്തില്‍ പെട്ടത്.

അപകടെത്തെ തുടര്‍ന്ന് കപ്പലില്‍ വെള്ളം കയറികൊണ്ടിരിക്കുകയാണ്.കപ്പല്‍ മുങ്ങുന്നത് തടയാന്‍ വെള്ളം പമ്പ് ചെയ്ത് പുറത്ത് കളയുന്ന പ്രവര്‍ത്തി നടന്ന് കൊണ്ടിരിക്കുകയാണ്.

ഇന്ന് പുലര്‍ച്ചയാണ് അപകടം നടന്നത്.അപകടത്തില്‍ പരിക്കേറ്റ നാവികരെ ജപ്പാന്‍ കോസ്റ്റ് ഗാര്‍ഡിന്റെ സഹായത്തോടെ ആശുപത്രിയിലേക്ക് മാറ്റി.കാണാതായ നാവികരെ കണ്ടെത്താനായി ജപ്പാന്‍ നാവികസേന കടലില്‍ തിരച്ചില്‍ നടത്തുന്നുണ്ട്.