കരുനാഗപ്പള്ളി: രണ്ട് ദിവസം മുന്‍പ് ഓച്ചിറ അഴീക്കല്‍ ബീച്ചില്‍ കുളിക്കാനിറങ്ങി കാണാതായ സൈനികന്റെ മൃതദേഹം മറൈന്‍ എന്‍ഫോഴ്‌സ്‌മെന്റ് അഴിക്കു കിഴക്ക് ഭാഗത്തു നിന്നും കണ്ടെടുത്തു. ശാസ്താംകോട്ട ഭരണിക്കാവ് പോരുവഴി ഇടയ്ക്കാട് തെക്ക് ഇടപ്പുരയില്‍ ശിവന്‍പിള്ളയുടെ മകന്‍ ശ്രീകുമാറിനെയായിരു(30)ന്നു ഞായറാഴ്ച വൈകിട്ട് 4.30 ഓടെ കാണാതായത്.
ഭാര്യയുമൊത്ത് അഴീക്കല്‍ ബീച്ചില്‍ വന്നശേഷം ഇയാള്‍ കടലില്‍ കുളിക്കാന്‍ ഇറങ്ങുന്നതിനിടെ തിരയില്‍പ്പെട്ട് കാണാതാവുകയായിരുന്നു.
ആലപ്പുഴ ഡെപ്യൂട്ടി ഡയറക്ടര്‍ എം സിയാര്‍, അസിസ്റ്റന്റ് ഡയറക്ടര്‍ ഉൃ.നൗഷദ് ഖാന്‍ എന്നിവരുടെ നിര്‍ദ്ദേശപ്രകാരം എ.എസ്.ഐ യേശുദാസ്,എസ്.സി.പി.ഒ ജിഷ്ണു വേണുഗോപാല്‍, സി.പി.ഒ ജോസഫ് ജോണ്‍, ലൈഫ് ഗാര്‍ഡ് ജോര്‍ജ്, മത്സ്യതൊഴിലാളികള്‍ എന്നിവര്‍ ഉള്‍പ്പെട്ട സംഘം തുടര്‍ച്ചയായി 48 മണിക്കൂര്‍ നടത്തിയ തിരച്ചിലിനൊടിവിലാണ് മൃതദേഹം കണ്ടെത്താനായത്.