നീലേശ്വരം: ശബരിമല വിഷയത്തില്‍ ആര്‍.എസ്.എസും സംഘ്പരിവാര്‍ സംഘടനകളും ഒരു നുണ ഫാക്ടറി തന്നെ നടത്തുകയാണെന്ന് പി.കെ.ശ്രീമതി ടീച്ചര്‍ എം.പി.പറഞ്ഞു. എന്‍.ആര്‍.ഇ.ജി വര്‍ക്കേഴ്‌സ് യൂനിയന്‍ ജില്ലാ സമ്മേളനത്തിന്റെ സമാപന സമ്മേളനം നീലേശ്വരം രാജാസ് ഹൈസ്‌കൂളില്‍ ഉദ്ഘാടനം ചെയ്തു സംസാരിക്കുകയായിരുന്നു അവര്‍. സി.പി.എം അരെയും ശബരിമലയിലേക്ക് അയക്കുന്നില്ല. എന്നാല്‍ പോകണമെന്നാഗ്രഹിക്കുന്ന യുവതികള്‍ക്ക് ഭരണാഘടന അനുശാസിക്കുന്ന സംരക്ഷണം നല്‍കുകയാണ് ചെയ്യുന്നത്. ശബരിമല പ്രശ്‌നത്തില്‍ പലരും സി.പി.എമ്മിനെ കുറ്റപ്പെടുത്തുകയാണ് .എന്നാല്‍ രാജ്യത്തെ പരമോന്നത കോടതി വിധി നടപ്പിലാക്കാന്‍ ശ്രമിക്കുക മാത്രമാണ് സര്‍ക്കാര്‍ ചെയ്യുന്നത്. ശബരിമല സമരം അസൂത്രിതമാണെന്ന് രാഹുല്‍ ഈശ്വറിന്റെയും ബി.ജെ.പി സംസ്ഥാന പ്രസിഡന്റ് ശ്രീധരന്‍ പിള്ളയുടെയും വാക്കുകള്‍ തെളിയിക്കുന്നു. വിശ്വാസം സംരക്ഷിക്കുക മാത്രമാണ് സര്‍ക്കാര്‍ ചെയ്യുന്നത്. ഇതിനിടയില്‍ രാജ്യം ഭരിച്ച കോണ്‍ഗ്രസ് ബി,ജെ.പിക്ക് അനുകൂലമായ നിലപാട് സ്വീകരിക്കുന്നത്. പണം കൊടുത്താല്‍ ഏതു കോണ്‍ഗ്രസ് നേതാക്കളും ഏതു പാര്‍ട്ടിയിലും പോകും എന്നവസ്ഥയാണുള്ളത്. കഴിഞ്ഞ ദിവസം പാലക്കാട് നഗരസഭയിലെ പ്രശ്‌നങ്ങളെ സൂചിപ്പിച്ചുകൊണ്ട് ടീച്ചര്‍ പറഞ്ഞു.
ബേബി ബാലകൃഷ്ണന്‍ അധ്യക്ഷനായി. പി.കരുണാകരന്‍ എം.പി, സി.പി.എം ജില്ലാ സെക്രട്ടറി എം.വി ബാലകൃഷ്ണന്‍മാസ്റ്റര്‍, കെ.പി.സതീഷ് ചന്ദ്രന്‍, വി.കെ രാജന്‍, കെ.ശകുന്തള, ടി.വി രമണി, കെ.പി.ജയരാജന്‍ സംസാരിച്ചു. എം.രാജന്‍, സ്വാഗതം പറഞ്ഞു.