ബംഗളൂരു: അന്തര്‍ സംസ്ഥാന മോഷ്ടാക്കളായ രണ്ടുപേരെ പൊലിസ് അറസ്റ്റ് ചെയ്തു. വീടുകള്‍, ഫ്‌ളാറ്റുകള്‍ എന്നിവ കുത്തിത്തുറന്ന് മോഷണം പതിവാക്കിയിരുന്ന ബിജെയ് സിങ്, ഗോവിന്ദ് സിങ് എന്നിവരാണ് അറസ്റ്റിലായത്. ഇവരുടെ നേതൃത്വത്തില്‍ നടന്നിരുന്ന 23 കേസുകള്‍ക്ക് ഇതോടെ തുമ്പുണ്ടായതായി ബംഗളൂരു പൊലിസ് പറഞ്ഞു. ഇവരുടെ സംഘത്തിലുണ്ടായിരുന്ന നാര ബഹാദൂറിനെകൂടി കണ്ടെത്താനുണ്ടെന്ന് പൊലിസ് അറിയിച്ചു. ബൈക്കുകളില്‍ സഞ്ചരിച്ച് അടച്ചിട്ട വീടുകള്‍ കണ്ടെത്തുകയും രാത്രിയിലെത്തി കുത്തിത്തുറന്ന് മോഷ്ടിക്കുകയുമാണ് ഇവരുടെ പതിവ്.