ലണ്ടന്‍: ഹോക്കി വേള്‍ഡ് ലീഗ് പോരാട്ടത്തില്‍ ഇന്ത്യക്ക് തുടര്‍ച്ചയായ രണ്ടാം ജയം. കാനഡയെ ഇന്ത്യ മറുപടിയില്ലാത്ത മൂന്ന് ഗോളുകള്‍ക്ക് വീഴ്ത്തി. പൂള്‍ ബിയില്‍ രണ്ട് വിജയവുമായി ഇന്ത്യ ഒന്നാം സ്ഥാനത്ത് നില്‍ക്കുന്നു. ആദ്യ മത്സരത്തില്‍ ഇന്ത്യ സ്‌കോട്‌ലന്‍ഡിനെ പരാജയപ്പെടുത്തിയിരുന്നു. കളിയുടെ അഞ്ചാം മിനുട്ടില്‍ എസ്.വി സുനില്‍, പത്താം മിനുട്ടില്‍ അക്ഷദീപ് സിങ്, 18ാം മിനുട്ടില്‍ സര്‍ദാര്‍ സിങ് എന്നിവര്‍ ഇന്ത്യക്കായി സ്‌കോര്‍ ചെയ്തു. ഇന്ന് നടക്കുന്ന ഗ്രൂപ്പിലെ മൂന്നാം മത്സരത്തില്‍ ഇന്ത്യ പാകിസ്താനുമായി ഏറ്റുമുട്ടും.