ലണ്ടന്‍: ലണ്ടനിലെ ഫഌറ്റിലുണ്ടായ വന്‍ തീപ്പിടിത്തത്തില്‍ 58 പേര്‍ മരിച്ചെന്ന് പൊലിസ് നിഗമനം. തീപിടിത്തത്തില്‍ കാണാതായ 58 പേരും മരിച്ചതായി കണക്കാക്കുമെന്ന് പൊലിസ് അറിയിച്ചു. തീപിടിത്തത്തില്‍ 30 പേര്‍ കൊല്ലപ്പെട്ടതായി പൊലിസ് നേരത്തെ അറിയിച്ചു.

സിറിയന്‍ അഭയാര്‍ഥിയായ 23കാരന്‍ മുഹമ്മദ് അല്‍ഹജാലിയാണ് മരിച്ചവരില്‍ ആദ്യം തിരിച്ചറിയപ്പെട്ടയാള്‍.

പടിഞ്ഞാറന്‍ ലണ്ടനിലെ ലാറ്റിമര്‍ റോഡിലെ ഗ്രന്‍ഫെല്‍ ടവറിലെ ഫഌറ്റില്‍ ബുധനാഴ്ചയാണ് തീപ്പിടിത്തമുണ്ടായത്.  24 നിലകളുള്ള കെട്ടിടത്തിന്റെ അഞ്ചു നിലകളിലാണ് ആദ്യം തീപ്പിടിത്തമുണ്ടായത്. പിന്നീട് മറ്റു നിലകളിലേക്കും തീ പടര്‍ന്നു.