വേലിയില്‍ കിടക്കുന്ന പാമ്പിനെ പിടിച്ച് തോളേലിടുക എന്ന് കേട്ടിട്ടില്ലേ...ഏതാണ്ട് അതേ അവസ്ഥയിലായിക്കാണും നമ്മുടെ കുമ്മനം..അങ്ങിനെയല്ലേ..ട്രോളന്‍മാര്‍ കുമ്മനം ജിയെ വാഴ്ത്തിപ്പാടുന്നത്. ഇതാ ഒരു വീഡിയോ..രണ്ടു സുഹൃത്തുക്കള്‍ ചേര്‍ന്നൊരുക്കിയ ഈ വീഡിയോ സോഷ്യല്‍ മീഡിയയില്‍ തരംഗമായിരിക്കുകയാണ്.

കുമ്മനത്തിന്റെ യാത്ര വാര്‍ത്തയായി അവതരിപ്പിക്കുന്നതാണ് ദൃശ്യം. അജ്ഞാത രൂപമെന്നാണ് കുമ്മനത്തെ വാര്‍ത്താ അവതാരകന്‍ വിശേഷിപ്പിക്കുന്നത്. ഏതായാലും ഷെയറുകളും ലൈക്കുകളുമായി നിറഞ്ഞു നില്‍ക്കുകയാണ്...ഈ അജ്ഞാത രൂപ വര്‍ണന.

ബി.ടെക് ബിരുദദാരികളായ ശഹീര്‍ കിഴക്കയില്‍ അനീസ് അല്‍ത്താഫ് എന്നിവരാണ് വീഡിയോ ഒരുക്കിയത്. കണ്ണൂര്‍ ഗവണ്‍മെന്റ് എഞ്ചിനീയറിങ് കോളജില്‍ നിന്നാണ്് ബി ടെക് പാസായത്. മെക്കാനിക്കല്‍ എഞ്ചിനീയറായ ശഹീര്‍ ദുബൈയിലും ഇലക്ട്രോണിക്‌സ് ആന്റ് കമ്യൂണിക്കേഷന്‍ എഞ്ചിനീയറായ അനീസ് ബാഗ്ലൂരിലും ജോലി നോക്കുന്നു.

ശഹീറിന്റെ ആശയത്തില്‍ അനീസാണ് വീഡിയോ തയ്യാറാക്കിയത്. അനീസ് തന്നെയാണ് ശബ്ദം നല്‍കുന്നതും. വാര്‍ത്താ അവതാരകനായി എത്തുന്നത് ശഹീറും.