കട്ടപ്പന: സ്വകാര്യബസും ഓട്ടോറിക്ഷയും കൂട്ടിയിടിച്ച് ഓട്ടോറിക്ഷാ ഡ്രൈവര്‍ക്ക് പരുക്കേറ്റു. ചേമ്പളം തടത്തില്‍ ജോസ് ജയിംസ്(26)നാണ് പരിക്കേറ്റത്.
നെടുങ്കണ്ടത്തുനിന്നും ചേമ്പളത്തിനു പോകുകയായിരുന്ന ഓട്ടോറിക്ഷയും കട്ടപ്പനയില്‍നിന്നും നെടുങ്കണ്ടത്തിന് വരികയായിരുന്ന  ബസുമാണ് കൂട്ടിയിടിച്ചത്.  ഇന്നലെ വൈകുന്നേരം അഞ്ചരയോടെ കല്ലാര്‍ പതിനഞ്ചില്‍പടിയിലാണ് അപകടംനടന്നത്.
പൂര്‍ണമായി തകര്‍ന്ന ഓട്ടോറിക്ഷയില്‍നിന്നും നാട്ടുകാര്‍ എത്തിയാണ് ജോസിനെ പുറത്തെടുത്തത്. ഇയാളെ നെടുങ്കണ്ടം കരുണ ആശുപത്രിയില്‍ പ്രവേശിപ്പിച്ചു.