കാഞ്ഞങ്ങാട്: വീടിനു മുകളില്‍ മരത്തിന്റെ കൂറ്റന്‍ ശിഖരം പൊട്ടിവീണു. വീട്ടുകാര്‍ അത്ഭുതകരമായി രക്ഷപ്പെട്ടു. അരയി പ്രദേശത്തെ വട്ടത്തോട്ടിലെ എം ജയന്റെ വീടിനു മുകളിലാണ് ഇന്നലെ പ്ലാവ് മരത്തിന്റെ ശിഖരം പൊട്ടി വീണത്.
ജയന്റെ ഭാര്യ സജിതയും ഇവരുടെ മക്കളായ ദേവദര്‍ശന, ദേവനന്ദ എന്നിവരും അപകടത്തില്‍ പരുക്കേല്‍ക്കാതെ അത്ഭുതകരമായി രക്ഷപ്പെടുകയായിരുന്നു.
അരയി ഗവ.യു.പി സ്‌കൂളില്‍ വിദ്യാര്‍ഥികളായ കുട്ടികള്‍ സ്‌കൂളിലേക്കു പുറപ്പെടാന്‍ ഒരുങ്ങുന്നതിനിടയിലാണു മരത്തിന്റെ ശിഖരം ഇവരുടെ ഓടുമേഞ്ഞ വീടിനു മേല്‍ പതിച്ചത്.