ചെറുപുഴ: മലയോരത്ത് പനി പടര്‍ന്നുപിടിക്കുന്നു. പടിയോട്ടുചാലില്‍ ഒരു വീട്ടമ്മയ്ക്ക് എച്ച് 1 എന്‍ 1 പണി ബാധിച്ചതായി സൂചന. ചെറുപുഴ, പെരിങ്ങോം, ഈസ്റ്റ് എളേരി പഞ്ചായത്തുകളില്‍ പകര്‍ച്ചപ്പനി പടര്‍ന്നുപിടിച്ചിരിക്കുകയാണ്.മിക്ക ഇടങ്ങളിലും ഡങ്കിപ്പനിയും സ്ഥിതീകരിച്ചിട്ടുണ്ട്. ഇതോടൊപ്പം പാടിച്ചാലിലെ ഒരു വീട്ടമ്മ പനി ബാധിച്ച് മംഗലാപുരത്തെ സ്വകാര്യ ആശുപത്രിയില്‍ അത്യാസന്ന നിലയില്‍ ചികിത്സയിലാണ്.ഇവര്‍ക്ക് എച്ച് 1 എന്‍ 1 ആണെന്നാണ് സൂചന.ചെറുപുഴ പഞ്ചായത്തിന്റെ വിവിധ ഭാഗങ്ങളില്‍    ഡങ്കിപ്പനി റിപ്പോര്‍ട്ട് ചെയ്തിട്ടുണ്ടെങ്കിലും ആരോഗ്യ വകുപ്പ് വേണ്ടത്ര ശ്രദ്ധിക്കുന്നില്ല എന്ന പരാതിയുമുണ്ട്. ഒപ്പം മഴക്കാല രോഗ പ്രതിരോധത്തിനായുള്ള ശുചീകരണ പ്രവര്‍ത്തനങ്ങള്‍ ഒന്നുംതന്നെ ഇതുവരെ നടത്താത്തതും ഏറെ വിവാദം ആയിട്ടുണ്ട്. പെരിങ്ങോം വയക്കര, ഈസ്റ്റ് എളേരി പഞ്ചായത്തുകളില്‍ പടര്‍ന്നുപിടിച്ച പനി നിയന്ത്രണ വിധേയമായിട്ടുണ്ടെന്ന് ഇരുപഞ്ചായത്ത് പ്രസിഡന്റുമാരും അറിയിച്ചു.