താമരശേരി: ചുരത്തില്‍ ആംബുലന്‍സ് മറിഞ്ഞ് അഞ്ചുപേര്‍ക്ക് പരുക്ക്. ഇന്നലെ രാത്രി എട്ടോടെ ചുരം ആറാം വളവിലാണ് ആംബുലന്‍സ് നിയന്ത്രണം വിട്ട് മറിഞ്ഞത്. വയനാട് പുല്‍പ്പള്ളിയില്‍നിന്ന് കോട്ടയത്തേക്ക് പോകുകയായിരുന്ന പുല്‍പ്പള്ളി സി.എം.എം ചര്‍ച്ചിന്റെ ആംബുലന്‍സാണ് അപകടത്തില്‍പെട്ടത്.
പുല്‍പ്പള്ളി പാടിക്കര സ്വദേശികളായ ഡ്രൈവര്‍ എല്‍ദോ ഉള്‍പ്പെടെ അഞ്ചുപേരായിരുന്നു ആംബുലന്‍സിലുണ്ടായിരുന്നത്. നിസാര പരുക്കേറ്റ ഇവര്‍ ഈങ്ങാപ്പുഴ സ്വകാര്യ ആശുപത്രിയില്‍ ചികിത്സ തേടി. കോട്ടയത്ത് മരിച്ച പുല്‍പ്പള്ളി സ്വദേശിയുടെ മൃതദേഹം കൊണ്ടുവരുന്നതിനായി ഫ്രീസറുമായി പുറപ്പെട്ടതായിരുന്നു ആംബുലന്‍സ്.