തിരുവനന്തപുരം: പാലാ ഉപതെരഞ്ഞെടുപ്പില്‍ വിജയിച്ച മാണി സി. കാപ്പന്‍ ഇന്ന് എം.എല്‍.എയായി സത്യപ്രതിജ്ഞ ചെയ്യും. നിയമസഭാ ബാങ്ക്വറ്റ് ഹാളില്‍ സ്പീക്കര്‍ പി. ശ്രീരാമകൃഷ്ണന്‍ സത്യപ്രതിജ്ഞ ചൊല്ലിക്കൊടുക്കും. മുഖ്യമന്ത്രി പിണറായി വിജയനും മന്ത്രിസഭാംഗങ്ങളും ഇടത് നേതാക്കളും ചടങ്ങില്‍ പങ്കെടുക്കും. സത്യപ്രതിജ്ഞയ്ക്ക് ശേഷം മാണി സി. കാപ്പന് എന്‍.സി.പി തിരുവനന്തപുരം ജില്ലാ കമ്മിറ്റി സ്വീകരണം നല്‍കും. തുടര്‍ന്ന് വട്ടിയൂര്‍ക്കാവിലെ ഇടത് സ്ഥാനാര്‍ഥി വി.കെ പ്രശാന്തിന്റെ തെരഞ്ഞെടുപ്പ് പ്രചരണത്തിലും കാപ്പന്‍ പങ്കെടുക്കും. 54 വര്‍ഷം പാലായെ പ്രതിനിധീകരിച്ച കെ.എം മാണിയുടെ പിന്‍ഗാമിയായാണ് കാപ്പന്റെ സഭയിലേക്കുള്ള വരവ്.

mani c kappan will take oath today