പേരാമ്പ്ര : വടക്കുമ്പാട് വഞ്ചിപ്പാറ ഗോപുരത്തിലിടം റോഡ് ആക്ഷന്‍ കമ്മിറ്റി പ്രവര്‍ത്തകരെ വാഹനമിടിച്ച് പരുക്കേറ്റ നിലയില്‍ പേരാമ്പ്ര താലൂക്ക് ആശുപത്രിയില്‍ പ്രവേശിപ്പിച്ചു.
ആക്ഷന്‍ കമ്മിറ്റി ചെയര്‍മാന്‍ എന്‍.കെ ഗോകുല്‍ദാസ് (37), കണ്‍വീനര്‍ ടി.പി വിധുന്‍ ലാല്‍ (23), പ്രവര്‍ത്തകരായ മാണിക്കാം കണ്ടി രാഹുല്‍ (28), മാണിക്കാം കണ്ടി മീത്തല്‍ ലികേഷ്(27) എന്നിവരെയാണ് ഇരുചക്രവാഹനം കയറ്റി അപായപ്പെടുത്താന്‍ ശ്രമമുണ്ടായത്. പ്രദേശവാസിയായ തെക്കെ പറമ്പില്‍ ചന്ദ്രനാണ് അക്രമം നടത്തിയതെന്ന് ഇവര്‍ പറഞ്ഞു.
ഈ റോഡിന്റെ നവീകരണ പ്രവര്‍ത്തനത്തിന് തടസം നില്‍ക്കുന്ന വ്യക്തിയായ ഇയാള്‍ മദ്യലഹരിയിലാണ് അക്രമം നടത്തിയതെന്ന് പറയുന്നു. പേരാമ്പ്ര പൊലിസില്‍ പരാതി നല്‍കി.