മേപ്പയ്യൂര്‍: റേഷനരിയുമായി വന്ന ലോറി അപകടത്തില്‍പ്പെട്ടതിനെ തുടര്‍ന്ന് ദുരന്തം ഒഴിവായത് തലനാരിഴയ്ക്ക്. കൊയിലാണ്ടിയില്‍ നിന്ന് കീഴ്പ്പയൂര്‍, ജനകീയ മുക്ക് റേഷന്‍ കടകളിലേക്ക് അരിയുമായി വന്ന ലോറിയാണ് മേപ്പയൂര്‍ ടൗണിനു സമീപത്തുള്ള അത്തിക്കോട്ട് മുക്കിലെ കയറ്റത്തില്‍ നിന്ന് താഴോട്ട് മറിഞ്ഞത്.കയറ്റം കയറുന്ന സമയത്ത് റിവേഴ്‌സ് ഗിയറില്‍ വീണതാണ് അപകട കാരണമെന്ന് പ്രദേശവാസികള്‍ പറയുന്നു.
റിവേഴ്‌സില്‍ വന്ന ലോറി ഇലക്ട്രിക്ക് പോസ്റ്റില്‍ ഇടിച്ച് നിന്നതിനാലാണ് കൂടുതല്‍ താഴേക്ക് പതിക്കാതിരുന്നത്. ലോറി ഡ്രൈവര്‍ പരിക്കുകള്‍ ഒന്നുമില്ലാതെ രക്ഷപ്പെട്ടു. മേപ്പയൂര്‍ പഞ്ചായത്ത് അംഗം പി.എം പവിത്രനും നാട്ടുകാരും രക്ഷാപ്രവര്‍ത്തനത്തിന് നേതൃത്വം നല്‍കി.