പെരുമ്പാവൂര്‍: യൂത്ത് കോണ്‍ഗ്രസിന്റെ നേതൃത്വത്തില്‍ വീട്ടില്‍ ഒരു പച്ചക്കറിത്തോട്ടം പദ്ധതി ആരംഭിച്ചു. യു.ഡി.എഫ് കണ്‍വീനര്‍ പി.പി തങ്കച്ചന്‍ പദ്ധതി ഉദ്ഘാടനം എസ്.എസ്.എല്‍.സി, പ്ലസ് ടു പരീക്ഷകളില്‍ ഉന്നതവിജയം നേടിയവര്‍ക്കുള്ള അവാര്‍ഡുദാനവും നിര്‍വഹിച്ചു.
ഭവനങ്ങളില്‍ പച്ചക്കറിവിത്തുകള്‍ നല്കി വിഷരഹിത പച്ചക്കറി ഉത്പാദനമാണ് പദ്ധതി ലക്ഷ്യമിടുന്നത്. പങ്കെടുത്ത മുഴുവന്‍ ആളുകള്‍ക്കും പച്ചക്കറി വിത്തുകള്‍ വിതരണം ചെയ്തു. രാജ്യത്തിന്റെ മതേതരത്വം കാത്തു സൂക്ഷിക്കുവാനും രാഷ്ട്ര പിതാവ് മഹാത്മാ ഗാന്ധിക്കെതിരെയുള്ള ആക്ഷേപങ്ങള്‍ക്കെതിരെ പോരാടുമെന്നും യോഗത്തില്‍ പ്രതിജ്ഞ ചെയ്തു.
അഡ്വ.അനീഷ് പോള്‍ അദ്ധ്യക്ഷത വഹിച്ചു. ഡി.സി.സി സെക്രട്ടറി വി.എം ഹംസ, കെ.കെ.എന്‍.റ്റി.സി ജില്ല വൈസ് പ്രസിഡന്റ് കെ.എന്‍ സുകുമാരന്‍, ജില്ല പഞ്ചായത്ത് മെമ്പര്‍ ജോളി ബേബി, മണ്ഡലം ഭാരവാഹികളായ ടി.എം കുര്യാക്കോസ്, വി.എച്ച് മുഹമ്മദ്, ബ്ലോക്ക് ഭാരവാഹികളായ എല്‍ദോ മോസസ്, രാജു മാത്താറ, അലി മൊയ്തീന്‍, എം.ബി ജോയ്, സിജോ തോമസ്, ഷിബി എല്‍ദോ, എം.പി കുര്യാക്കോസ്, ഇബ്രാഹിം കരിം, ഭവാനി തമ്പി, സി.വി ചന്ദ്രമോഹനന്‍, എം.എം ബഷീര്‍ എന്നിവര്‍ സംസാരിച്ചു.