അമ്മാന്‍: ജോര്‍ദാനില്‍ കനത്ത മഴയിലും വെള്ളപ്പൊക്കത്തിലും പെട്ട് 12 പേര്‍ മരിച്ചു. ഇതോടെ പ്രസിദ്ധമായ പെട്ര വിനോദസഞ്ചാര കേന്ദ്രത്തില്‍ 3500 സഞ്ചാരികളെ മാറ്റിയിരിക്കുകയാണ്.

പെട്ര സഞ്ചാരകേന്ദ്രം തല്‍ക്കാലം അടച്ചിട്ടുണ്ട്. ഞായറാഴ്ച വീണ്ടും തുറക്കുമെന്നാണ് പ്രതീക്ഷ.

വെള്ളപ്പൊക്കത്തില്‍ രൂക്ഷമായ പ്രശ്‌നം അനുഭവിച്ച വാല റിസര്‍വോയറില്‍ തെരച്ചില്‍ നടത്തുകയാണ്. കൂടുതല്‍ പേര്‍ കുടുങ്ങിക്കിടക്കുന്നുണ്ടോയെന്നാണ് നോക്കുന്നത്.