കോഴിക്കോട്: സംസ്ഥാന ജീവനക്കാര്‍ക്ക് സമഗ്ര ആരോഗ്യ ഇന്‍ഷുറന്‍സ് പദ്ധതി നടപ്പാക്കുമ്പോള്‍ സര്‍ക്കാര്‍ വിഹിതം ഉറപ്പുവരുത്തണമെന്ന് എന്‍.ജി.ഒ അസോസിയേഷന്‍ സംസ്ഥാന വൈസ് പ്രസിഡന്റ് പ്രേമവല്ലി ആവശ്യപ്പെട്ടു. കേരള എന്‍.ജി.ഒ അസോസിയേഷന്റെ കോഴിക്കോട് കലക്ടറേറ്റ് മാര്‍ച്ചും ധര്‍ണയും ഉദ്ഘാടനം ചെയ്തു സംസാരിക്കുകയായിരുന്നു അവര്‍.
ഇടതു സര്‍ക്കാര്‍ പദ്ധതി നടപ്പിലാക്കാന്‍ പോകുന്നത് ഒരു രൂപപോലും സര്‍ക്കാര്‍ വിഹിതം ഇല്ലാതെയാണ്. പ്രതിമാസം 300 രൂപയാണ് ഇതിനായി ഈടാക്കുന്നത്. പ്രീമിയം തുക  കുറയ്ക്കുകയും സര്‍ക്കാര്‍ വിഹിതം ഉറപ്പാക്കുകയും ചെയ്തില്ലെങ്കില്‍  ജീവനക്കാരുടെ ശക്തമായ പ്രക്ഷോഭത്തിന് എന്‍.ജി.ഒ അസോസിയേഷന്‍ നേതൃത്വം നല്‍കുമെന്നും പ്രേമവല്ലി കൂട്ടിച്ചേര്‍ത്തു.
ജില്ലാ പ്രസിഡന്റ് എന്‍.പി ബാലകൃഷ്ണന്‍  അധ്യക്ഷനായി.
 സംസ്ഥാന സെക്രട്ടേറിയറ്റ് അംഗങ്ങളായ എം.ടി മധു, കെ. വിനോദ്കുമാര്‍, ജില്ലാ സെക്രട്ടറി ശശികുമാര്‍ കാവാട്ട്, സംസ്ഥാന നേതാക്കളായ ടി. ഹരിദാസ്, കെ. മാധവന്‍, വി.എം ചന്ദ്രന്‍, പി.പി അബ്ദുല്‍ ലത്തീഫ്, സി.കെ സതീശന്‍, പി. ബിന്ദു, കെ. ദിനേശന്‍, കെ. പ്രദീപന്‍, എം. ഷിബു, സിജു കെ. നായര്‍, കെ.കെ പ്രമോദ്കുമാര്‍, സി.കെ പ്രകാശന്‍, വി.പി രജീഷ്‌കുമാര്‍, കെ.വി രവീന്ദ്രന്‍,  എന്‍. സന്തോഷ് കുമാര്‍, കെ.പി അനീഷ്‌കുമാര്‍, എ.കെ സുധീര്‍, കെ. രാജേഷ്  ബാബു, എം. ഷാജീവ് കുമാര്‍, ഇ. സുരേഷ് ബാബു, പി.പി പ്രകാശന്‍, കെ.പി കൃഷ്ണന്‍, ടി. സജീവന്‍, സിദ്ദീഖുല്‍ അക്ബര്‍, സന്തോഷ് കുനിയില്‍, പി.കെ  അബ്ദുസ്സലാം, ഷാജി മനേഷ്, ഒ.സൂരജ്, സി.എസ് ശ്രീകുമാര്‍, പി.കെ സുനില്‍കുമാര്‍ നേതൃത്വം നല്‍കി.