ആലക്കോട്: പാഠപുസ്തകത്തിലെ എഴുത്തുകാര്‍ വായനാമുറിയില്‍ പൂക്കളായി വിരിയിച്ച് വെള്ളാട് ഗവ. യു.പി സ്‌കൂള്‍. മലയാളത്തിലെ എണ്ണം പറഞ്ഞ 42ഓളം എഴുത്തുകാരാണ് വിവിധ നിറത്തിലുള്ള സൂര്യകാന്തി പൂക്കളായി ഇവിടെ വിരിഞ്ഞുനില്‍ക്കുന്നത്. വായനാദിനത്തില്‍ സ്‌കൂളിലെ വിദ്യാര്‍ഥികളും അധ്യാപകരും ചേര്‍ന്നാണ് സാഹിത്യ പൂന്തോട്ടമൊരുക്കിയത്. ചെടിയുടെ ഇലകളില്‍ പേരും കൃതികളും പുരസ്‌കാരങ്ങളും രേഖപ്പെടുത്തിയിട്ടുണ്ട്. പുസ്തകത്താളിലെ എഴുത്തുകാരുടെ ശബ്ദവും കവിതകളും കേള്‍ക്കാനുള്ള സൗകര്യവും വായനാമുറിയില്‍ ഒരുക്കിയിട്ടുണ്ട്.പ്രധാനധ്യാപിക കെ.വി മേരി, മോഹനന്‍ അളോറ, ജാന്‍സി തോമസ്, കെ. ലീല, ഒ.കെ ബാലകൃഷ്ണന്‍, കെ.എന്‍ അനൂപ്, ആഷ മാത്യു, ആതിര മോഹനന്‍, മനോഹരന്‍ കൂട്ടായി എന്നിവരാണ് പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്