ചാവക്കാട്: കടപ്പുറം ഷെല്‍ട്ടര്‍ ചാരിറ്റബിള്‍ സൊസൈറ്റി ഒരുക്കിയ ഇഫ്താര്‍ സംഗമം ജീവിതത്തിലെ ആദ്യാനുഭവവും മറക്കാനാവാത്തതുമാണെന്ന് സി.എന്‍ ജയദേവന്‍ എം.പി. അസഹിഷ്ണുതയും പരസ്പര വിദ്വേഷവും രാജ്യത്ത് കാന്‍സര്‍ പോലെ മാരകമായ രീതിയില്‍ പടരുന്ന സമകാലീന സാഹചര്യത്തില്‍ സ്‌നേഹവും സാഹോദര്യവും വിളമ്പി ഷെല്‍ട്ടര്‍ ഒരുക്കിയ ഇഫ്താര്‍ സംഗമം വലിയ സന്ദേശം ഉയര്‍ത്തിപ്പിടിക്കുന്നുണ്ട്. പുണ്യം വാരിച്ചൊരിയുന്ന വിശുദ്ധ മാസത്തില്‍ ഷെല്‍ട്ടര്‍ പ്രവര്‍ത്തകര്‍ നടത്തുന്ന പത്ത് ലക്ഷം രൂപയുടെ കാരുണ്യ പ്രവര്‍ത്തനങ്ങള്‍ മഹത്തരമാണെന്നും അദ്ധേഹം പറഞ്ഞു. അടിതിരുത്തി കല്യാണ മണ്ഡപത്തില്‍ നടന്ന ചടങ്ങില്‍ ഷെല്‍ട്ടര്‍ പ്രസിഡന്റ് ടി.കെ.അബ്ദുള്‍ ഗഫൂര്‍ അധ്യക്ഷനായി. ഗള്‍ഫ് ചാപ്റ്റര്‍ പ്രസിഡന്റ സി.ബി ഫത്താഹ് സംഗമം നിയന്ത്രിച്ചു. ഷെഫീഖ് ഫൈസി കായംകുളം, ഡോക്ടര്‍ ഹരി നാരായണന്‍സ്വാമി, ഷെമീര്‍ സബാഹി എന്നിവര്‍ ഇഫ്താര്‍ സന്ദേശം നല്‍കി. ബ്ലോക്ക് പഞ്ചായത്ത് പ്രസിഡന്റ് ഉമ്മര്‍ മുക്കണ്ടത്ത് മുഖ്യ അതിഥിയായി. ഷെല്‍ട്ടര്‍ ജനറല്‍ സെക്രട്ടറി പി.കെ.ബഷീര്‍ മുഖ്യ പ്രഭാഷണം നടത്തി. ബ്ലോക്ക് പഞ്ചായത്ത് സ്റ്റാന്റിംഗ് കമ്മറ്റി ചെയര്‍മാന്‍ സി.മുസ്താഖ് അലി, കടപ്പുറം ഗ്രാമ പഞ്ചായത്ത് സ്റ്റാന്റിംഗ് കമ്മറ്റി ചെയര്‍മാന്‍ കെ.ഡി വീരമണി, വാര്‍ഡ് മെമ്പര്‍ ഷാലിമ സുബൈര്‍, ഗ്രാമ പഞ്ചായത്ത് മെമ്പര്‍ എ.കെ ഷണ്‍മുഖന്‍, കോണ്‍ഗ്രസ് പാര്‍ട്ടി കടപ്പുറം മണ്ഡലം പ്രസിഡന്റ് കെ.എം.ജബ്ബാര്‍, സി.പി.ഐ.എം കടപ്പുറം ലോക്കല്‍ സെക്രട്ടറി കെ.വി.അശ്‌റഫ്, മുസ്്‌ലിം ലീഗ് പഞ്ചായത്ത് ട്രഷറര്‍ വി.പി.ബക്കര്‍ ഹാജി, ബി.ജെ.പി. പഞ്ചായത്ത് പ്രസിഡന്റ് ആച്ചി രാജു, മുന്‍ ഗ്രാമപഞ്ചായത്ത് വൈസ് പ്രസിഡന്റ് കെ.എം.ഇബ്രാഹിം, വെല്‍ഫെയര്‍ പാര്‍ട്ടി ഗുരുവായൂര്‍ മണ്ഡലം പ്രസിഡന്റ് ഷണ്‍മുഖന്‍വൈദ്യര്‍, ഷെല്‍ട്ടര്‍ ട്രഷറര്‍ എ.കെ.ഫറൂഖ്ഹാജി, ഗള്‍ഫ് ചാപ്റ്റര്‍ ജനറല്‍ സെക്രട്ടറി ടി.ആര്‍.റിയാസ്, ട്രഷറര്‍ സി.എസ്.ഹുസൈന്‍, വട്ടേക്കാട് മഹല്ല് സെക്രട്ടറി ഇഖ്ബാല്‍, അശ്‌റഫ് വട്ടേക്കാട്, ഗള്‍ഫ് ചാപ്റ്റര്‍ ലീഡര്‍ ഉസ്മാന്‍ഉമ്മര്‍ സംസാരിച്ചു