കൊല്ലം: യൂത്ത് ലീഗ് യുവജന യാത്രയുടെ പ്രചരണ ഭാഗമായി യൂത്ത് ലീഗ് ജില്ലാ കമ്മിറ്റി കടപ്പാക്കട ഫ്‌ളഡ് ലൈറ്റ് സ്റ്റേഡിയത്തില്‍ വച്ച് നടത്തിയ ഫുട്ബാള്‍ ടൂര്‍ണമെന്റ് ആവേശകരമായി. മുസ്‌ലിം ലീഗ് കൊല്ലം ജില്ലാ പ്രസിഡന്റ് എം. അന്‍സാറുദ്ദീന്‍ കിക്ക് ഓഫ് ചെയ്ത് ഉദ്ഘാടനം നടത്തി.
മുസ്‌ലിം ലീഗ് ജില്ലാ ജനറല്‍ സെക്രട്ടറി വൈ. നൗഷാദ്, യൂത്ത് ലീഗ് സംസ്ഥാന വൈസ് പ്രസിഡന്റ് അഡ്വ. സുല്‍ഫീക്കര്‍ സലാം, യൂത്ത് ലീഗ് ജില്ലാ ജനറല്‍ സെക്രട്ടറി എ. സദഖത്തുള്ള, യൂത്ത് ലീഗ് ജില്ലാ ഭാരവാഹികളായ ഇര്‍ഷാദ് കരുനാഗപ്പള്ളി, നിയാസ് അബൂബക്കര്‍, അന്‍വര്‍ കൊട്ടിയം, ഇര്‍ഷാദ് അഞ്ചല്‍, പ്രവാസി ലീഗ് നേതാക്കളായ ഉമയനല്ലൂര്‍ ഷിഹാബുദീന്‍, ബ്രൈറ്റ് മുഹ്‌സിന്‍, ഷാനൂര്‍ സിയാദ്, ഹാഷിം യൂനുസ്, നേതാക്കളായ അഹമ്മദ് ഉഖൈല്‍, മുള്ളു കാട്ടില്‍ സാദിഖ് എന്നിവര്‍ പങ്കെടുത്തു.
ഉദ്ഘാടന മത്സരത്തില്‍ ജില്ലാ മുസ്‌ലിം ലീഗ് ജനറല്‍ സെക്രട്ടറി വൈ നൗഷാദും, എസ്.ടി.യു ജില്ലാ ട്രഷറര്‍ തോപ്പില്‍ നാഷാദും ടീമുകള്‍ക്ക് നേതൃത്വം നല്‍കി.
ടൂര്‍ണമെന്റിലെ ആദ്യ ഗോള്‍ മുസ് ലിം ലീഗിന് വേണ്ടി എസ്. അഹമ്മദ് ഉഖൈല്‍ നേടി.