അഗളി: കേന്ദ്ര വിദ്യാഭ്യാസ ഏജന്‍സിയായ ബി.എസ്.എസിന്റെ കീഴില്‍ അട്ടപ്പാടി അഗളിയില്‍ കോളജ് ഉദ്ഘാടനം ചെയ്തു. വിവിധ ഡിപ്ലോമ കോഴ്‌സുകള്‍ ഉള്ള കോളജ് ആദിവാസി വിഭാഗത്തില്‍പെടുന്ന കുട്ടികള്‍ക്ക് പ്രയോജനപ്പെടുന്നതാണ് പുതിയ കോളജ്. നളന്ദ ട്രൈബല്‍ കോളജിന്റെ ഉദ്ഘാടനം ഡോ. പ്രഭുദാസ് നിര്‍വ്വഹിച്ചു. ബി.എസ്.എസ് പ്രോഗ്രാം ഓഫിസര്‍ ബാലന്‍ മച്ചാത്ത് കോഴ്‌സുകളെക്കുറിച്ച് വിശദീകരിച്ചു. പ്രിന്‍സിപ്പല്‍ ആന്റണി സെബാസ്റ്റ്യന്‍, മാനേജര്‍ മുഹമ്മദലി ഓട്ടുപാറ, പരമന്‍, കെ.എം.എ മുബീന്‍ പ്രസംഗിച്ചു.  മികച്ച മാര്‍ക്കോടെ എം.ബി.ബി.എസ് വിജയിച്ച അട്ടപ്പാടിയിലെ തുളസിയെ കോളജിന്റെ നേതൃത്വത്തില്‍ അനുമോദിച്ചു.