മുക്കം: കാരശ്ശേരി പഞ്ചായത്തിന്റെ സമഗ്ര വിദ്യാഭ്യാസ പദ്ധതിയില്‍ ഉള്‍പ്പെടുത്തി വായനാ വാരത്തിന്റെ ഭാഗമായി പഞ്ചായത്തിലെ എല്ലാ പൊതുവിദ്യാലങ്ങള്‍ക്കും ലൈബ്രറി പുസ്തകങ്ങളും അലമാരയും വിതരണം ചെയ്തു.
അനയാംകുന്ന് ജി.എല്‍.പി സ്‌കൂളില്‍ നടന്ന ചടങ്ങില്‍ പഞ്ചായത്ത് പ്രസിഡന്റ് വി.കെ വിനോദ് പുസ്തക വിതരണോദ്ഘാടനം നിര്‍വഹിച്ചു. വിദ്യാഭ്യാസ സ്റ്റാന്റിങ് കമ്മിറ്റി ചെയര്‍മാന്‍ സജി തോമസ് അധ്യക്ഷനായി.
പഞ്ചായത്ത് അംഗങ്ങളായ രമ്യ കൂവ്വപാറ, സവാദ് ഇബ്രാഹിം, ശിഹാബ്, പ്രധാനാധ്യാപിക കെ.എ ലീലാമ്മ, കുണ്ടുങ്ങല്‍ മുഹമ്മദ് മാസ്റ്റര്‍, ഷമീര്‍ മാസ്റ്റര്‍, ത്രേസ്യാമ്മ ടീച്ചര്‍ സംസാരിച്ചു.