മുക്കം: നീലേശ്വരം പ്രിയദര്‍ശിനി ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് കേരള ഗവ. ഹോമിയോ വകുപ്പുമായി സഹകരിച്ച് മുക്കം നഗരസഭയിലെ വാര്‍ഡുകള്‍ കേന്ദ്രീകരിച്ച് സൗജന്യ ഹോമിയോ പ്രതിരോധ മെഡിക്കല്‍ ക്യാംപ് സംഘടിപ്പിച്ചു.
മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്റര്‍ ഉദ്ഘാടനം ചെയ്തു. പ്രിയദര്‍ശിനി ചെയര്‍മാന്‍ ടി.ടി സുലൈമാന്‍ അധ്യക്ഷനായി. ചീഫ് മെഡിക്കല്‍ ഓഫിസര്‍ ഡോ. പി. ഗോപിനാഥ് ബോധവല്‍ക്കരണ ക്ലാസിന് നേതൃത്വം നല്‍കി.
ഹോമിയോ മെഡിക്കല്‍ ഓഫിസര്‍ ഡോ. മൃദുല, കുര്യന്‍ ജോസഫ് കോട്ടയില്‍, ഐ. സുനില്‍കുമാര്‍, പി.പി രാജന്‍ മാസ്റ്റര്‍, പി.കെ മുരളീധരന്‍, ബാലകൃഷ്ണന്‍ മുത്തേരി, കൗണ്‍സിലര്‍മാരായ ബുഷ്‌റ, സി.കെ രജിത കുപ്പോട്ട്, അബ്ദുല്‍ അസീസ്, സഫിയ കെ. ഷൗക്കത്തലി, പി. ശ്രീധരന്‍ സംസാരിച്ചു.