തിരുവനന്തപുരം: കനത്ത മഴയില്‍ സംസ്ഥാനത്തെ ട്രയിന്‍ ഗതാഗതം താറുമാറായി. തിരുവനന്തപുരം ഡിവിഷനിലെ എല്ലാ പാസഞ്ചര്‍ ട്രെയിനുകളും റദ്ദാക്കി. പിറവം വൈക്കം പാതയില്‍ റെയില്‍വേ പാതയില്‍ മണ്ണിടിച്ചിലുണ്ടായി. ഇതിനെ തുടര്‍ന്ന എറണാകുളം കായംകുളം റൂട്ടിലുള്ള പാസഞ്ചറും റദ്ദാക്കി.

വേണാട് എക്സ്പ്രസ്സ് എറണാകുളം നോര്‍ത്ത് വഴി തിരിച്ചുവിടുമെന്നും ദീര്‍ഘദൂര ട്രെയിനുകള്‍ മണിക്കൂറോളം വൈകി ഓടുമെന്നും അധികൃതര്‍ അറിയിച്ചു. 12076 ജനശതാബ്ദി ആലപ്പുഴയില്‍ താല്‍ക്കാലികമായി നിര്‍ത്തിയിട്ടു. 16127 ഗുരുവായൂര്‍ എക്സ്പ്രസ് എറണാകുളം ജംഗ്ഷനില്‍ താല്‍ക്കാലികമായി നിര്‍ത്തിയിട്ടു. ഇതിനുപുറമെ 12678 ബ ബംഗളൂരു ഇന്റര്‍സിറ്റി എറണാകുളം ജംഗ്ഷനില്‍ നിന്നും പുറപ്പെടുന്ന സമയം നീട്ടി. 12617 മംഗള എക്സ്പ്രസ് ഉച്ചയ്ക്ക് ഒരുമണിയോടെ മാത്രമേ പുറപ്പെടൂ.