കണ്ണൂര്‍: ജില്ലാ ക്വിസ് അസോസിയേഷന്‍ ക്വിസ് മത്സരങ്ങള്‍ക്ക് സ്ഥിരം വേദി ഒരുക്കുന്നു. ജില്ലാ ലൈബ്രറി കൗണ്‍സിലിന്റെ സഹായത്തോടെ മാസത്തിലെ നാലാമത്തെ ഞായറാഴ്ചകളിലാണ് ക്വിസ് സംഗമം നടക്കുക. ഇതില്‍ ക്വിസ് മത്സരം, ക്വിസ് മാസ്റ്റേഴ്‌സാകാനുള്ള പരിശീലനം, പൊതു വിജ്ഞാന വേദി എന്നിവ സംഘടിപ്പിക്കും.
ആദ്യ പരിപാടി 25ന് രാവിലെ 10 മുതല്‍ ഒരു മണി വരെ കണ്ണൂര്‍ തെക്കിബസാറിലെ ലൈബ്രറി കൗണ്‍സില്‍ ഹാളില്‍ നടക്കും. ജില്ലാ ക്വിസ് അസോ. ഭാരവാഹികള്‍: കെ. ബാലചന്ദ്രന്‍(പ്രസി.), ടി.ടി ആനന്ദ്(ജന.സെക്ര.), പി. സരിന്‍, സി.എച്ച് നബീല്‍(വൈസ് പ്രസി.), അശ്വിന്‍ ഷാജ്, ശ്രീഷ്മ(സെക്ര.), ശെല്‍വിന്‍ അണ്ടല്ലൂര്‍(ട്രഷ.).
അസോസിയേഷനില്‍ അംഗമാകാന്‍ താല്‍പര്യമുള്ളവര്‍ കണ്ണൂര്‍ ജില്ലാ ക്വിസ് അസോസിയേഷന്‍, പള്ളിക്കുന്ന്, കണ്ണൂര്‍-670004 എന്ന വിലാസത്തില്‍ ബന്ധപ്പെടണം. ഫോണ്‍: 9995461855, 9447961304.