വൈക്കം: കോട്ടയത്ത് വിദ്യാഭ്യാസ വകുപ്പ് ഓഫീസ് സീനിയര്‍ സൂപ്രണ്ടിനെ മരിച്ച നിലയില്‍ കണ്ടെത്തി. വൈക്കം അക്കരപ്പാടത്ത് വിദ്യാഭ്യാസ വകുപ്പ് ഓഫീസ് സീനിയര്‍ സൂപ്രണ്ടായ കുലശേഖരമംഗലം സ്വദേശി ശ്യാം കുമാറിനെയാണ് മരിച്ച നിലയില്‍ കണ്ടെത്തിയത്. മൂവാറ്റുപുഴയാറിന്റെ കൈവഴിയിലാണ് മൃതദേഹം കണ്ടെത്തിയത്.

ശ്യാംകുമാറിനെ കാണാനില്ലെന്ന് കാണിച്ച് കുടുംബം രണ്ട് ദിവസം മുന്‍പ് വൈക്കം പൊലീസില്‍ പരാതി നല്‍കിയിരുന്നു. ശ്യാം കുമാര്‍ അമിത ജോലിഭാരം നേരിട്ടിരുന്നെന്നും പരാതിയില്‍ കുടുംബം ആരോപിച്ചിരുന്നു. വൈക്കത്ത് എ.ഇ.ഒയുടെ കൂടി ചുമതല ശ്യാംകുമാര്‍ വഹിച്ചിരുന്നു. രണ്ടു ജോലികള്‍ ഒരുമിച്ചു കൊണ്ടുപോകാന്‍ കഴിയാതെ ശ്യാംകുമാര്‍ കടുത്ത മാനസിക സമ്മര്‍ദ്ദത്തില്‍ ആയിരുന്നുവെന്നാണ് കുടുംബത്തിന്റെ ആരോപണം. സംഭവത്തില്‍ പൊലീസ് അന്വേഷണം ആരംഭിച്ചു.