ചൊക്ലി: പെരിങ്ങത്തൂര്‍ സൈഫ് നഗറില്‍ സമൂഹ നോമ്പുതുറ കഴിഞ്ഞ് മടങ്ങുകയായിരുന്ന യൂത്ത്‌ലീഗ് പ്രവര്‍ത്തകരെ മാരകായുധങ്ങളുമായി വന്ന സി.പി.എം പ്രവര്‍ത്തകര്‍ ആക്രമിച്ചതായി പരാതി.
ഇന്നലെ രാത്രി എട്ടു മണിക്കാണ് സംഭവം. ചെറുപുല്ലൂക്കരയിലെ ആഷിഖ്(21), റമീസ്(21), ഫസീല്‍(21), യൂസഫ്(22), സമാഹ്(21) എന്നിവര്‍ക്ക് മര്‍ദനത്തില്‍ പരുക്കേറ്റു. സി.പി.എം പ്രവര്‍ത്തകന്‍ അഖിലിന്റെ നേതൃത്വത്തിലുള്ള സംഘമാണ് ആക്രമിച്ചതെന്ന് പരുക്കേറ്റവര്‍ പറഞ്ഞു. ചൊക്ലി പ്രിന്‍സിപ്പല്‍ എസ്.ഐ ഫായിസ് അലിയുടെ നേതൃത്വത്തില്‍ സ്ഥലത്ത് പൊലിസ് ക്യാംപ്് ചെയ്യുന്നുണ്ട്.