കല്ലമ്പലം: കുസൃതി നിറഞ്ഞ ചോദ്യങ്ങളെറിഞ്ഞ് ചീഫ് സെക്രട്ടറിയെ ചിരിപ്പിച്ചും ചിന്തിപ്പിച്ചും കെ.ടി.സി.യിലെ കുട്ടികള്‍.  വിക്ടേഴ്‌സ് ചാനലിന്റെ കുട്ടിചോദ്യം പരിപാടിയിലാണ് കുട്ടികള്‍ ചിഫ് സെക്രട്ടറി  വിജയാനന്ദുമായി സംവദിച്ചത്.  ഉത്തരവാദിത്വബോധവും സാമൂഹികബോധവുമുള്ള കുട്ടികള്‍ക്കു മാത്രമേ ഉത്തമപൗരനാകാന്‍ സാധിക്കുകയുള്ളൂവെന്ന് അദ്ദേഹം പറഞ്ഞു. തന്റെ വിദ്യാഭ്യാസ കാലത്തെയും  ഔദ്യോഗിക ജീവിതത്തിലെയും അനുഭവങ്ങള്‍  അദ്ദേഹം പങ്കുവെച്ചത് കുട്ടികള്‍ക്കു പുതുമയുള്ള അനുഭവമായി.  കെ.ടി.സി.ടി ഹയര്‍സെക്കന്‍ഡറി സ്‌കൂളിലെ പൊതുവിജ്ഞാന ക്ലബിലെ കുട്ടികളാണ് പരിപാടിയില്‍ പങ്കെടുത്തത്.