ജംഷഡ്പുര്‍: ഐ.എസ്.എല്ലില്‍ അരങ്ങേറ്റം ജയത്തോടെയാക്കാമെന്ന പ്രതീക്ഷയുമായി ജംഷഡ്പുരിനെതിരേ ഇറങ്ങിയ ഒഡിഷയെ സ്വന്തം നാട്ടില്‍ പരാജയപ്പെടുത്തി ഇറിയോണ്ടോ പട. 2-1നായിരുന്നു ജംഷഡ്പുരിന്റെ ജയം. 17ാം മിനുട്ടില്‍ റാണ ഘറാനിയുടെ സെല്‍ഫ് ഗോളിലാണ് ജംഷഡ്പുരാണ് മുന്നിലെത്തിയത്. 35ാം മിനുട്ടില്‍ ബികാഷ് ജയ്‌റു ചുവപ്പുകാര്‍ഡ് കണ്ട് പുറത്ത് പോയത് ടീമിന് വിനയായി. ഇത് മുതലെടുത്ത ഒഡിഷ 40ാം മിനുട്ടില്‍ അറിദാനെയിലൂടെ സമനില കണ്ടെത്തി. പക്ഷേ, പിന്നീടങ്ങോട്ട് 10 പേരടങ്ങിയ ജംഷഡ്പുരിന്റെ വല തുളയ്ക്കാതെ ഒഡിഷ മങ്ങിയപ്പോള്‍ 85ാം മിനുട്ടില്‍ ഗോള്‍ നേടി സെര്‍ജിയോ കാസ്റ്റെല്‍ ആതിഥേയര്‍ക്ക് ജയം നല്‍കി.