കോഴിക്കോട്: ഖുര്‍ആന്‍ സ്റ്റഡി സെന്ററിന്റെ ആഭിമുഖ്യത്തില്‍ കോഴിക്കോട്ട് നടന്നു വരുന്ന പതിനഞ്ചാമത് ഖുര്‍ആന്‍ പ്രഭാഷണത്തിന്റെ സമാപനത്തോടനുബന്ധിച്ച് ഇന്ന് രാവിലെ 8.30 ന് ആയിരങ്ങള്‍ പങ്കെടുക്കുന്ന പ്രാര്‍ഥനാ സംഗമം നടക്കും. അരയിടത്തുപാലം ശംസുല്‍ഉലമാ നഗറില്‍ നടക്കുന്ന ചടങ്ങ് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സമസ്ത സെക്രട്ടറി കെ. ആലിക്കുട്ടി മുസ്‌ലിയാര്‍ അധ്യക്ഷനാവും. പാണക്കാട് സാദിഖലി ശിഹാബ് തങ്ങള്‍, പി.കെ കുഞ്ഞാലിക്കുട്ടി സംസാരിക്കും. റഹ്മത്തുല്ലാ ഖാസിമി മൂത്തേടം മുഖ്യപ്രഭാഷണം നടത്തും. സമാപന പ്രാര്‍ഥനക്ക് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും. പാഴൂര്‍ ദാറുല്‍ ഖുര്‍ആന്‍ അക്കാദമിയില്‍ നിന്ന് ഖുര്‍ആന്‍ മനഃപാഠമാക്കിയ 37 വിദ്യാര്‍ഥികള്‍ക്കുള്ള സനദ്ദാനവും ചടങ്ങില്‍ നടക്കും.