മക്ക: മക്കയിൽ കാൽനട യാത്രക്കാർക്ക് നേരെ വെടിവെപ്പ് നടത്തിയ അക്രമിയെ പൊലിസ് വെടിവെച്ചു കൊലപ്പെടുത്തി.  അല്‍മുഅയ്‌സിം, അല്‍ഉംറ, അല്‍അദ്ല്‍ ഡിസ്ട്രിക്ടുകളില്‍ കാറുകളിൽ സഞ്ചരിച്ചു മറ്റു കാറുകള്‍ക്കും വഴിപോക്കര്‍ക്കുംനേരെ നിറയൊഴിച്ച അക്രമിയെ പട്രോള്‍ പോലീസുകാര്‍ എത്തിയാണ് വെടിവെച്ചു കൊലപ്പെടുത്തിയത്.  വെള്ളിയാഴ്ച  പുലര്‍ച്ചെയാണ് സംഭവം.

 

കലാഷ്‌നിക്കോവ് ഇനത്തില്‍ പെട്ട യന്ത്രത്തോക്ക് ഉപയോഗിച്ചാണ് അക്രമി കാൽനട യാത്രക്കാർക്ക് നേരെ നിറയൊഴിച്ചത്. പോലീസെത്തി കീഴടങ്ങാൻ ആവശ്യപ്പെട്ടെങ്കിലും  വിസമ്മതിക്കുകയും പോലീസുകാര്‍ക്കു നേരെ നിറയൊഴിച്ച് അവരെ ചെറുക്കാന്‍ ശ്രമിക്കുകയും ചെയ്തതിനെ തുടർന്ന് പോലീസ് വെടി വെക്കുകയായിരുന്നു.