പാലാ: ബി.പി.എല്‍ കാര്‍ഡുടമകള്‍ക്ക് സൗജന്യ നേത്ര പരിശോധന നടത്തുവാന്‍ പദ്ധതി നടപ്പിലാക്കുമെന്ന് പാലാ സ്‌പൈസ് വാലി ലയണ്‍സ് ക്ലബ്ബ് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
എല്ലാ മാസവും ഒന്നാംതീയതിയാണ്  പരിശോധന.പരിപാടിയുടെ ഉദ്ഘാടനം  ഇന്ന്  വൈകിട്ട് 6.30ന് മുണ്ടുപാലം ലയണ്‍സ് ക്ലബ്ബ് ഹാളില്‍ നടക്കും.
 ഇതോടൊപ്പം പുതിയ ഭാരവാഹികളുടെ സ്ഥാനാരോഹണവും നടക്കും.  ജില്ലാ പൊലീസ് മേധാവി എന്‍.രാമചന്ദ്രന്‍ ഉദ്ഘാടനം നിര്‍വ്വഹിക്കും. വാര്‍ത്താസമ്മേളനത്തില്‍ പ്രസിഡന്റ് ബാബു നെടുമുടി, പ്രജോദ് സണ്ണി, ജോജി എബ്രാഹം, സോജന്‍ തറപ്പേല്‍, അയ്യപ്പന്‍ ഐശ്വര്യ, എന്നിവര്‍ പങ്കെടുത്തു.