നിലമ്പൂര്‍: അനധികൃതമായി മണല്‍ കടത്താന്‍ ശ്രമിച്ച വാഹനം പൊലിസ് പിടികൂടി. മമ്പാട് പാറക്കടവില്‍ നിന്നും ഞായറാഴ്ച പുലര്‍ച്ചയാണ് ലോറി പിടികൂടിയത്. രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് വാഹനം പിടികൂടിയത്.
പുഴക്കരയില്‍ കൂട്ടിയിട്ട മണല്‍ ടിപ്പറില്‍ കയറ്റി കടത്താന്‍ ശ്രമിക്കുകയായിരുന്നു.
പൊലിസിനെ കണ്ടതോടെ ഡ്രൈവര്‍ ഉള്‍പ്പെടെയുള്ളവര്‍ ഓടി രക്ഷപ്പെട്ടു. നിലമ്പൂര്‍ എസ്.എസ്.ഐ മാരായ ഗിരീഷ്, ജയരാജ് എന്നിവരുടെ നേതൃത്വത്തിലാണ് പുലര്‍ച്ചെ മമ്പാട് കടവില്‍ പരിശോധന നടത്തിയത്. ഡ്രൈവര്‍ക്കെതിരെ കേസെടുത്തു.