കോട്ടയം: വാളയാര്‍ പീഡനക്കേസിന്റെ തീ കെടാതെ കത്തുമ്പോള്‍ കോട്ടയം കിടങ്ങൂരില്‍ നിന്ന് മറ്റൊരു ബാലികയുടെ ദാരുണമായ നിലവിളികൂടി കേരളത്തിന്റെ മനസാക്ഷിയെ പിടിച്ചുലക്കുന്നു.
13 വയസ് മാത്രം പ്രായമുള്ള പെണ്‍കുട്ടിയെ അഞ്ച് പേര്‍ ചേര്‍ന്ന് രണ്ടു വര്‍ഷമായി പീഡിപ്പിച്ചുവെന്നാണ് പരാതി ഉയര്‍ന്നിരിക്കുന്നത്. കോട്ടയം ജില്ലയിലെ കിടങ്ങൂര്‍ പൊലിസ് സ്റ്റേഷന്‍ പരിധിയിലാണ് സംഭവം. ജില്ലാ പൊലിസ് മേധാവിക്ക് ലഭിച്ച പരാതി പ്രകാരം പോക്‌സോ നിയമപ്രകാരം പൊലിസ് കേസെടുത്തിട്ടുണ്ട്.

സംഭവത്തില്‍ നാല് പ്രതികളെയും പൊലിസ് കസ്റ്റഡിയില്‍ എടുത്തു. ദേവസ്യ, റെജി,ജോബി, നാഗപ്പന്‍ എന്നിവരാണ് പൊലിസ് കസ്റ്റഡിയിലുള്ളത്. മറ്റൊരു പ്രതിയായ ബെന്നിക്കായി പൊലിസ് തെരച്ചില്‍ ഊര്‍ജിതമാക്കിയിട്ടുണ്ട്.