വാഷിങ്ടണ്‍: അമേരിക്കയിലെ നെബ്രാന്‍സ്‌കയിലുണ്ടായ ശക്തമായ ടൊര്‍ണാഡോ ചുഴലിക്കാറ്റില്‍ 10 വ്യോമസേന വിമാനങ്ങള്‍ തകര്‍ന്നു. വ്യോമസേനാ വക്താവാണ് ഇക്കാര്യം പുറത്തുവിട്ടത്. ചുഴലിക്കാറ്റില്‍, വ്യോമസേനയുടെ പ്രശസ്തമായ രണ്ടു ഇ-ഫോര്‍ ബി ഡൂംസ്‌ഡേ വിമാനങ്ങളും തകര്‍ന്നു. നെബ്രാന്‍സ്‌കയിലെ വ്യോമസേനാതാവളത്തിലാണ് കാറ്റ് നാശം വിതച്ചത്.
അടിയന്തരാവസ്ഥ, മറ്റു ദുരന്തങ്ങളുടെ രക്ഷാപ്രവര്‍ത്തനം എന്നീ സാഹചര്യങ്ങളില്‍ ഉപയോഗിക്കുന്നതാണ് ഡൂസ്‌ഡേ വിമാനങ്ങള്‍. അതേസമയം ഇവയുടെ അറ്റകുറ്റപണികള്‍ക്കുള്ള തുക കണക്കാക്കി വരികയാണെന്ന് നാവികസേന ഇന്‍സ്‌പെക്ടര്‍മാര്‍ സൂചിപ്പിച്ചു. കാറ്റില്‍ 10 മില്യണിന്റെ ഇടയില്‍ വ്യോമസേനാത്താവളത്തിന് നഷ്ടമുണ്ടായിട്ടുണ്ട്.