ഗൂഡല്ലൂര്‍: കനത്ത മഴയെ തുടര്‍ന്ന് മേട്ടുപാളയത്തുനിന്ന് ഊട്ടിയിലേക്ക് സര്‍വിസ് നടത്തുന്ന സ്‌പെഷല്‍ ട്രെയിന്‍ നവംബര്‍ 30 വരെ റദ്ദാക്കി. മഴ കാരണം സഞ്ചാരികളുടെ വരവും ഗണ്യമായി കുറഞ്ഞിട്ടുണ്ട്.
സഞ്ചാരികളെ ലക്ഷ്യംവച്ചാണ് ശനി, ഞായര്‍ ദിവസങ്ങളില്‍ സ്‌പെഷല്‍ ട്രെയിന്‍ സര്‍വിസ് നടത്തുന്നത്. രാവിലെ 9.15, ഉച്ചക്ക് 12.15, വൈകിട്ട് 5.30 എന്നിങ്ങനെ മൂന്ന് സര്‍വിസുകളാണുള്ളത്. അതേസമയം, മഴയെത്തുടര്‍ന്ന് മരവും മണ്ണും റെയില്‍വേ ട്രാക്കിലേക്ക് മറിഞ്ഞുവീണതിനെ തുടര്‍ന്ന് റദ്ദാക്കിയിരുന്ന മേട്ടുപാളയം-ഊട്ടി പര്‍വത തീവണ്ടി സര്‍വിസ് പുനഃസ്ഥാപിച്ചിട്ടുണ്ട്.