കോഴിക്കോട്: മാണിക്കെതിരേ കൂടുതല്‍ അഴിമതി ആരോപണങ്ങളുമായി ജനാധിപത്യ കേരളാ കോണ്‍ഗ്രസ് രംഗത്ത്. കോഴിക്കച്ചവടക്കാരില്‍നിന്ന് മാണി കോഴവാങ്ങിയ കാര്യം തനിക്ക് നേരിട്ടറിയാമെന്ന് പാര്‍ട്ടി ഉന്നതാധികാര്യ സമിതി അംഗം പിസി ജോസഫ് വെളിപ്പെടുത്തി.


കോഴിക്കച്ചവടക്കാരായ തമിഴ്‌നാട് സ്വദേശികളില്‍നിന്ന് ചാലക്കുടിക്കാരനായ ജോണ്‍സന്‍ മുഖേന മാണിമൂന്നുകോടി രൂപ കൈപ്പറ്റിയിട്ടുണ്ടെന്ന് പിസി ജോസഫ് വെളിപ്പെടുത്തി. തോംസണ്‍ ഗ്രൂപ്പിന്റെ അധിപനു മാണി നിയമവിരുദ്ധമായി നികുതിയിളവുനല്‍കിയെന്നതിന് വ്യക്തമായ തെളിവുണ്ട്.

ബാര്‍ കോഴയില്‍ മാണിക്ക് പങ്കുണ്ടെന്നും എന്നാല്‍ വിശദവിവരങ്ങള്‍ താന്‍ പുറത്തുവിടില്ലെന്നും ആന്റണി രാജു പറഞ്ഞു.