ന്യൂഡല്‍ഹി: ഐ.എന്‍.എക്‌സ് മീഡിയ കേസില്‍ മുന്‍ കേന്ദ്രമന്ത്രിയും മുതിര്‍ന്ന കോണ്‍ഗ്രസ് നേതാവുമായ പി. ചിദംബരം വീണ്ടും തിഹാര്‍ ജയിലില്‍. ചിദംബരത്തെ നവംബര്‍ 13 വരെ ജുഡീഷ്യല്‍ കസ്റ്റഡിയില്‍ വിട്ടതോടെയാണിത്.
ഈ മാസം ആദ്യം മുതല്‍ എന്‍ഫോഴ്‌സ്‌മെന്റ് ഡയറക്ടറേറ്റ് (ഇ.ഡി) കസ്റ്റഡിയിലായിരുന്ന അദ്ദേഹത്തിന്റെ കസ്റ്റഡി കാലാവധി അവസാനിച്ചതോടെയാണ് ജയിലിലേക്ക് മാറ്റുന്നത്. ഓഗസ്റ്റ് 21ന് സി.ബി.ഐയുടെ അറസ്റ്റിലായ അദ്ദേഹം സെപ്റ്റംബര്‍ അഞ്ചുമുതല്‍ തിഹാര്‍ ജയിലില്‍ കഴിയുകയാണ്. ചിദംബരത്തിന്റെ ജാമ്യ ഹരജി ഡല്‍ഹി കോടതി ഇന്നു പരിഗണിക്കുന്നുണ്ട്.