കോഴിക്കോട്: അറബിക്കടലില്‍ ലക്ഷദ്വീപ് മേഖലയിലായി രൂപം കൊണ്ട മഹ ചുഴലിക്കാറ്റ് കോഴിക്കോടിന് 295കിലോമീറ്റര്‍ അടുത്തെത്തി. മണിക്കൂറില്‍ 15 കിലോമീറ്റര്‍ വേഗതയില്‍ കഴിഞ്ഞ ആറ് മണിക്കൂറായി വടക്കു- പടിഞ്ഞാറ് ദിശയിലാണ് കാറ്റ് സഞ്ചരിച്ചു കൊണ്ടിരിക്കുന്നതെന്ന ദുരന്ത നിവാരണ അതോറിറ്റി അറിയിച്ചു. ഉടന്‍ തീവ്രചുഴലിക്കാറ്റാവുമെന്നാണ് റിപ്പോര്‍ട്ട്.

മഴശക്തിപ്പെടാന്‍ സാധ്യതയുള്ളതിനാല്‍ പത്തു ജില്ലകളില്‍ ഓറഞ്ച് അലേര്‍ട്ട് പ്രഖ്യാപിച്ചിട്ടുണ്ട്. നേരത്തെ എറണാകുളം, തൃശൂര്‍, മലപ്പുറം, കോഴിക്കോട് ജില്ലകളില്‍ മാത്രമാണ് ഓറഞ്ച് അലേര്‍ട്ട് പ്രഖ്യാപിച്ചിരുന്നത്.