നീലേശ്വരം: മടിക്കൈ കാലിച്ചാംപൊതിയെ ആവേശത്തിലാഴ്ത്തി സംസ്ഥാന സബ്ജൂനിയര്‍ വടംവലി ചാംപ്യന്‍ഷിപ്പിനു തുടക്കമായി. പഞ്ചായത്ത് മിനി സ്റ്റേഡിയത്തില്‍ രണ്ടു ദിവസങ്ങളിലായി നടക്കുന്ന മത്സരങ്ങളില്‍ പതിമൂന്നു ജില്ലകളില്‍ നിന്നായി നാലു കാറ്റഗറികളില്‍ 48 ടീമുകളാണു പങ്കെടുക്കുന്നത്.
ആണ്‍കുട്ടികളുടെ 480, 500 കിലോഗ്രാം കാറ്റഗറിയിലും പെണ്‍കുട്ടികളുടെ 400, 420 കിലോഗ്രാം കാറ്റഗറിയിലുമാണു മത്സരങ്ങള്‍ നടക്കുന്നത്. അഞ്ഞൂറോളം കായികതാരങ്ങള്‍ മത്സരത്തില്‍ പങ്കെടുക്കുന്നുണ്ട്. ഗതാഗത മന്ത്രി എ.കെ ശശീന്ദ്രന്‍ ഉദ്ഘാടനം ചെയ്തു. ഇന്നു നടക്കുന്ന സമാപന സമ്മേളനം റവന്യൂ മന്ത്രി ഇ ചന്ദ്രശേഖരന്‍ ഉദ്ഘാടനം ചെയ്യും.
സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍ മുഖ്യാതിഥിയായിരിക്കും.