കൊച്ചി: സംഗീത സംവിധായകന്‍ രവീന്ദ്രന്‍ മാഷിന്റെ സ്മരണാര്‍ഥം ഫുജൈറ ആര്‍ട് ലവേഴ്‌സ് അസോസിയേഷന്‍ ഏര്‍പ്പെടുത്തിയ ഫല രവീന്ദ്രസംഗീത് മ്യൂസിക് അവാര്‍ഡുകള്‍ പ്രഖ്യാപിച്ചു. ഗായകന്‍ യേശുദാസ്, കൈതപ്രം ദാമോദരന്‍ നമ്പൂതി എന്നിവര്‍ ലൈഫ് ടൈം അച്ചീവ്‌മെന്റ് അവാര്‍ഡുകള്‍ക്ക് തിരഞ്ഞെടുക്കപ്പെട്ടതായി ജൂറി ചെയര്‍മാന്‍ ഡോ. പുത്തൂര്‍ റഹ്മാന്‍, അംഗങ്ങളായ ആര്‍. സോമശേഖരന്‍ നായര്‍, രവീന്ദ്രന്‍ മാസ്റ്ററുടെ പത്‌നി ശോഭാ രവീന്ദ്രന്‍, റോബിന്‍ തിരുമല എന്നിവര്‍ വാര്‍ത്താസമ്മേളനത്തില്‍ അറിയിച്ചു.
ഒരു ലക്ഷം രൂപയും പ്രശസ്തി പത്രവുമാണ് അവാര്‍ഡ്, നജീം അര്‍ഷാദ് (മികച്ച ഗായകന്‍), ശ്വേതാ മോഹന്‍(മികച്ച ഗായിക), വിഷ്ണു വിജയ് (മികച്ച സംഗീത സംവിധായകന്‍, ഷിബു ചക്രവര്‍ത്തി (മികച്ച ഗാനരചന), രാഹുല്‍രാജ്( മികച്ച സംഗീത സംവിധായകന്‍), ശ്രേയാ ജയ്ദീപ് (മികച്ച ജനപ്രിയഗാനം), രാജേഷ് (മികച്ച ഉപകരണ സംഗീതം) എന്നിവരെയുമാണ് അവാര്‍ഡിനായി തിരഞ്ഞെടുത്തിട്ടുള്ളത്. നവംബര്‍ 3ന് ഫുജൈറയില്‍ നടക്കുന്ന ചടങ്ങില്‍ അവാര്‍ഡുകള്‍ വിതരണം ചെയ്യും.