ഹൈദരാബാദ്: പെണ്‍കുഞ്ഞിനെ ജീവനോടെ കുഴിച്ചുമൂടാന്‍ ശ്രമിച്ച രണ്ടു പേരെ ഹൈദരാബാദ് പൊലിസ് അറസ്റ്റ് ചെയ്തു. സംഭവം അറിഞ്ഞ് സ്ഥലത്തെത്തിയ പൊലിസ് ഇവരെ അറസ്റ്റ് ചെയ്യുകയായിരുന്നു. ഇവരുടെ അടുത്തേക്ക് പോകുന്നതിന്റെ ദൃശ്യം പൊലിസ് മൊബൈലില്‍ പകര്‍ത്തിയിട്ടുണ്ട്.

രണ്ടുപേര്‍ കയ്യിലൊരു ബാഗുമായി ബസ്റ്റാന്റിനു പിറകിലേക്ക് പോകുന്നത് ശ്രദ്ധയില്‍പ്പെട്ട ഓട്ടോ ഡ്രൈവറാണ് പൊലിസിനെ വിവരമറിയിച്ചത്. പിന്നീട് ഇവര്‍ കുഴികുത്തുന്നതും കണ്ടു. പൊലിസ് എത്തുമ്പോഴേക്കും കുഞ്ഞിനെ മൂടാന്‍ തയ്യാറെടുക്കുകയായിരുന്നു.

കുഞ്ഞ് മരിച്ചുവെന്നും മൃതദേഹവുമായി ബസില്‍ പോകാന്‍ അനുവദിക്കുന്നില്ലെന്നും പറഞ്ഞ് ഇവര്‍ തടിതപ്പാന്‍ ശ്രമിച്ചു. എന്നാല്‍ പരിശോധനയില്‍ കുഞ്ഞ് മരിച്ചിട്ടില്ലെന്ന് വ്യക്തമാവുകയായിരുന്നു.

കുട്ടിയെ ആശുപത്രിയില്‍ എത്തിച്ച പൊലിസ് രണ്ടുപെരെയും അറസ്റ്റ് ചെയ്തു. കുഞ്ഞിനെ മുത്തച്ഛനും അമ്മാവനുമാണ് അറസ്റ്റിലായവര്‍.