കോട്ടയം:കേരള കോണ്‍ഗ്രസ് എമ്മിലെ തര്‍ക്കവുമായി ബന്ധപ്പെട്ട് കട്ടപ്പന സബ്‌കോടതി വിധി പി.ജെ ജോസഫിന് തിരിച്ചടിയായെന്ന് ജോസ്.കെ മാണി. കോടതിവിധിയെ ജോസഫ് തെറ്റായി വ്യാഖ്യാനിക്കുകയാണ്. ജോസഫ് നുണകള്‍ പ്രചരിപ്പിക്കാന്‍ ശ്രമിക്കുകയാണ്. കേരള കോണ്‍ഗ്രസ് എമ്മിനെ കേരള കോണ്‍ഗ്രസ് ജെ ആക്കാന്‍ അനുവദിക്കില്ലെന്നും അദ്ദേഹം പറഞ്ഞു. കോട്ടയത്ത് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.

വര്‍ക്കിങ് ചെയര്‍മാന് ചെയര്‍മാന്റെ അധികാരം ഇല്ലെന്ന് കോടതി വിധിയില്‍ പറയുന്നുണ്ട്. ഇത് ജോസഫിന് കനത്ത തിരിച്ചടിയാണ്.
ജോസഫിന് ചെയര്‍മാന്റെ അധികാരത്തിലുള്ള തീരുമാനമെടുക്കാന്‍ അവകാശമില്ലെന്ന് ഇതിലൂടെ വ്യക്തമാണെന്നും ജോസ് കെ മാണി പറഞ്ഞു.

പുതിയ ചെയര്‍മാനെ തെരഞ്ഞെടുക്കുന്നത് വരെ ആ പദവി വഹിക്കാന്‍ ആര്‍ക്കും അവകാശമില്ലെന്നാണ് കട്ടപ്പന കോടതിയുടെ ഉത്തരവ്. പാലായില്‍ യു.ഡി.എഫ് സ്ഥാനാര്‍ഥി ജയിക്കരുതെന്ന് ചിലര്‍ക്ക് നിര്‍ബന്ധമുണ്ടായിരുന്നെന്നും. യു.ഡി.എഫ് നേതൃത്വം നിര്‍ദേശിച്ചത് ലംഘിക്കാന്‍ താന്‍ തയ്യാറായിട്ടില്ലെന്നും ജോസഫിനെതിരായ എല്ലാ രേഖകളും തന്റെ കൈയിലുണ്ടായിട്ടും തെരഞ്ഞെടുപ്പ് സമയത്ത് അത് വിവാദമാക്കാന്‍ താന്‍ ശ്രമിച്ചിട്ടില്ലെന്നും ജോസ് കെ മാണി പറഞ്ഞു.