ന്യൂഡല്‍ഹി: പ്രതിപക്ഷത്തിന്റെ രാഷ്ട്രപതി സ്ഥാനാര്‍ഥിയായ മീരാകുമാര്‍ ലോക് സഭാ സ്പീക്കറായിരുന്ന കാലത്തുള്ള ചില വിഡിയോ ക്ലിപ്പിങുകള്‍ വിദേശ കാര്യമന്ത്രി സുഷമ സ്വരാജ് പുറത്തുവിട്ടു. രാഷ്ട്രപതിയായാല്‍ അവര്‍ക്ക് എങ്ങനെ രാജ്യത്തെ നയിക്കാനാകുമെന്ന കാര്യം ചൂണ്ടിക്കാട്ടിയാണ് വിഡിയോ പുറത്തു വിട്ടത്.
രാഷ്ട്രപതി തെരഞ്ഞെടുപ്പില്‍ രണ്ട് ദലിത് സ്ഥാനാര്‍ഥികള്‍ ഏറ്റുമുട്ടുകയാണ്. ലോക്‌സഭയില്‍ തന്റെ ആറ് മിനിറ്റ് ദൈര്‍ഘ്യമുള്ള സംസാരത്തില്‍ 60 തവണയാണ് മീരാകുമാര്‍ ഇടപെട്ടതെന്ന് വ്യക്തമാക്കിയാണ് സുഷമ വിഡിയോ പുറത്തുവിട്ടത്. ലോക്‌സഭാ സ്പീക്കറായ അവര്‍ എങ്ങനെയാണ് പ്രതിപക്ഷത്തിന്റെ സ്ഥാനാര്‍ഥിയായതെന്നും സുഷമ ചോദിച്ചു.