ഉപ്പള: ഉപ്പള മുസോടി അതീക്ക കടപ്പുറത്ത് കടല്‍ക്ഷോഭം രൂക്ഷമായി. കഴിഞ്ഞ ദിവസം ഉച്ചയോടെയാണ് കടല്‍ പ്രക്ഷുബ്ദമായത്. ഇതേ തുടര്‍ന്നു രണ്ടു കുടുംബങ്ങളെ മാറ്റി മാര്‍പ്പിച്ചു. അഞ്ചു വീടുകള്‍ അപകട ഭീഷണിയിലാണ്. 28 തെങ്ങുകള്‍ കടലെടുത്തു.  എട്ടു വീടുകളില്‍ കടല്‍ വെള്ളം കയറി.
ഒരു വൈദ്യുതി തൂണ്‍ ഒടിഞ്ഞുവീണു. മുസോടി കടപ്പുറത്തെ അഷ്‌റഫ്, ഹസ്സനബ്ബ എന്നിവരുടെ കുടുംബത്തെയാണ് മാറ്റിപ്പാര്‍പ്പിച്ചത്. നഫീസ, അബ്ദുല്‍ ഖാദര്‍, അബ്ദുല്‍ ഹമീദ്, മൊയ്തീന്‍ കുഞ്ഞി, അബ്ദുല്‍ ഖാദര്‍ എന്നിവരുടെ വീടുകള്‍ അപകടഭീഷണിയിലാണ്.
കടല്‍ക്ഷോഭം ഇന്നും രൂക്ഷമായാല്‍ ഈ കുടുംബങ്ങളെ കൂടി മാറ്റിപ്പാര്‍പ്പിക്കേണ്ടി വരും. റവന്യു ഉദ്യോഗസ്ഥര്‍ മുസോടി കടപ്പുറം സന്ദര്‍ശിച്ച് സ്ഥിതിഗതികള്‍ വിലയിരുത്തി.