കോഴിക്കോട്: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിനു കീഴില്‍ പ്രവര്‍ത്തിച്ചു വരുന്ന അല്‍ബിര്‍റ് പ്രീ സ്‌കൂള്‍ വിദ്യാര്‍ഥികള്‍ക്കായി സംസ്ഥാന സമിതിയുടെ കീഴില്‍ സംഘടിപ്പിക്കുന്ന അല്‍ബിര്‍റ് കിഡ്‌സ് ഫെസ്റ്റിന് അന്തിമരൂപമായി. ഒന്‍പതു മേഖലകളിലായി ഏഴായിരം കുരുന്നുകള്‍ മാറ്റുരയ്ക്കും. ഉദിനൂര്‍ ഖിദ്മത്തുല്‍ ഇസ്‌ലാം, കാസര്‍കോട്, ഷറഫിയ മുടിക്കല്‍, എറണാകുളം (ജനുവരി 5) , ദാറുല്‍ അസ്ഹര്‍, കൊടുവള്ളി, കോഴിക്കോട്, ഒളവട്ടൂര്‍ നുസ്‌റത്തുല്‍ ഇസ്‌ലാം, മലപ്പുറം (ജനുവരി 12), വടക്കാങ്ങര സൈതാലിക്കോയ മെമ്മോറിയല്‍, മലപ്പുറം, കുറ്റ്യാടി അലിഫ് സ്‌പേസ്, കോഴിക്കോട് (ജനുവരി 19), മയ്യില്‍ മദ്‌റസതുല്‍ ഖാദിരിയ, കണ്ണൂര്‍, അല്‍ഫലാഹ്, കക്കിടിപ്പുറം, മലപ്പുറം, (ജനുവരി 22), എവര്‍ഗ്രീന്‍ പബ്ലിക് സ്‌കൂള്‍, മുയിപ്പോത്ത്, കോഴിക്കോട് (ജനുവരി 26) എന്നിങ്ങനെ തിയതികളിലായാണ് മത്സരങ്ങള്‍ നടക്കുന്നത്. സ്വാഗതസംഘം യോഗങ്ങള്‍ വിവിധ സോണുകളില്‍ നടന്നുവരുന്നു.